Absolut Matriekuitslae 2020!

Menlo-matrieks van 2020 blink uit!   

Die matrieks van 2020 spog met ʼn 100% slaagsyfer, 868 onderskeidings en graadgemiddeld van 72.7%. Daarbenewens behaal 95.1% van die graad 12’s graadvrystelling en 106 leerders spog met ʼn A-gemiddeld. 

Interhoër span die kroon op uitstekende atletiekseisoen

Menlopark is Virseker Beker-kampioene!

Hartlik geluk aan ons eerste rugbyspan wie vir die eerste keer in die skool se geskiedenis die VirSeker Beker gewen het deur Helpmekaar Kollege in die finaal te wen. Dit is nou absolut rugby!

 

Opedag 2021

Belangrike inligting tydens die nasionale inperking

Belangrike inligting vir ouers en leerders sal beskikbaar wees onder Dokumente/Akademie. Die nuutste inligting is:

Skoolkalender 2021

Roosters en skoolure 2021

Heropening van die skool: Covid-19-protokol

GDO se standaardprosedure vir die hantering van Covid-gevalle

Menlopark: Covid-gevalle

Microsoft Teams by Die Hoërskool Menlopark

Vir meer inligting oor die Koronavirus klik op die volgende skakel:

https://sacoronavirus.co.za/

Jy is Menlo! 

Klik op die prent

Menlo-koor

 

 Menlo-koor kry Cum Laude by die ATKV Applous. Die Menlo-engele is waarlik die beste gemengde skoolkoor in die land. 

Menlopark = Geleenthede onbeperk!

Die Hoërskool Menlopark is ʼn wêreldklasinstelling wat iets vir elkeen bied. Deur die hoogste na te streef, skuif grense deurentyd en kry leerders die geleentheid om te groei en om die beste weergawes van hulleself te word. In die proses trek Menlo se kenmerkende blou, wit en rooi aandag van plaaslike en internasionale keurders en tersiêre instellings.

Wanneer matrieks die Menlo-bodem aan die einde van hulle skoolloopbane verlaat, weet ons dat sukses wink. Om ʼn sluipkykie na die toekoms te kry terwyl die leerders nog op die skoolbanke is, is ʼn groot bederf en vandeesweek deel ons in die vreugde van vyf matrikulante vir wie die lig op die horison helder wink.

Niël Beukes, Tiaan Lange en Lincoln Adams het kontrakte met die Blou Bulle gesluit, terwyl Wian van Niekerk en Bodine Degli-Umberti die Afrikason vir Amerika gaan verruil. Wian, ʼn kranige middelafstandatleet, gaan sy akademiese loopbaan by Bradley University in Illinois voortsit waar hy IT gaan studeer. Bodine, ʼn uithaleratleet en netbalspeler, wat op die oomblik die tweede plek op die nasionale ranglys vir junior vroue in gewigstoot beklee, is gereed om ʼn kontinentale sprong te maak in 2021. Sy beplan om haar by die Universiteit van South Alabama aan te sluit as lid van die atletiekspan, die South Alabama Jaguars. 

Baie geluk aan hierdie leerders. Ons weet dat hulle sukses die resultaat is van jare se harde werk. Menlo is trots op julle!

 

Menlo-Insig (nuusbrief)

Registreer hier vir die nuusbrief (Menlo-Insig) of loer na ‘n vorige nuusbrief onder argief.

Ouers ontvang die nuusbrief outomaties

Kliek hier

 

Die Hoërskool Menlopark

'n Skool met ʼn visie wat gewone  kinders op  ʼn ongewone manier begeester om buitengewone hoogtes ‘n leefwyse te maak.

Die Hoërskool  Menlopark is een van Suid-Afrika se topskole, bekend vir uitnemendheid op vele terreine. Ons skool is bekend as ’n skool met eietydse tradisies, waarbinne Menlo-manne en Menlo-meisies in volkome gemak lángs mekaar en nie ín mekaar se skaduwee nie, ontwikkel en die hoogste nastreef.  Ons skool se sukses is gewortel in hierdie hegte eenheid - ons verskille maak ons sterker en ons passie gee ons rigting – ʼn rigting waarin ons ons skool se leuse Excelsa Petamus  (ons streef die hoogste na) met trots uitleef en nastreef.

Die Hoerskool MenloparkDinamiese onderwysers en ‘n heerlike skoolgees vind neerslag in ons spontane, informele credo: “Absolut Menlo”. Die Hoërskool Menlopark bied aan elke leerder ’n groot verskeidenheid wyduiteenlopende ontwikkelingsgeleenthede wat elke Parkie komplementeer. Só word elkeen se unieke persoonlikheid en Godgegewe talente, tydens 5 jaar se ononderhandelbare akademiese toewyding, ontwikkel.

Na meer as 50 jaar is en bly een van die skool se besonderse kenmerke  sy warmte,  sy leerders se deurlopende betrokkenheid en die veilige gesinstruktuur waarin elke leerder die geleentheid kry om sy potensiaal maksimaal te ontwikkel en nuwe geleenthede met waagmoed te beproef. Ons uitnemende prestasies op alle terreine - akademie, sport, kultuur en leierskap, het geen verdere bekendstelling nodig nie  -  nóg in Pretoria en onmiddellike omgewing, nóg waar jonk en oud hulle landswyd in gerekende en gerespekteerde geselskap bevind.

Die Hoërskool Menlopark  se hartklop  is geanker in Christelik gefundeerde onderrig binne ’n raamwerk van selfdissipline en ononderhandelbare waardes van integriteit, lojaliteit, respek en ywer.

Ons skool is ons trots en ons leerders dra dié trots in hulle harte saam die toekoms in.

Excelsa Petamus! Ons streef die hoogste na!

Die Hoërskool Menlopark  . . .  ʼn visie gebaseer op waardes

Integriteit    lojaliteit    respek    ywer

Die Hoërskool Menlopark is op stewige boublokke na volwassewording gebou.

  • Die Hoërskool Menlopark is ‘n skool vir gewone kinders met wie daar op ‘n ongewone manier  gewerk word sodat hulle buitengewone hoogtes  kan bereik.
  • Ons is ‘n skool wat ‘n besonder wye verskeidenheid geleenthede bied aan betrokke en entoesiastiese leerders wat kanse wil aangryp en vasgryp om sy/haar maksimumpotensiaal te bereik.
  • Ons ontwikkel  leerders met ‘n positiewe werksetiek wat gemaklik die eise van universiteitsopleiding en ‘n veranderende samelewing kan hanteer en bestuur.
  • Ons kweek analitiese en laterale denke by ons leerders om probleemoplossing as uitkoms te bied.

Die Menlo-manier . . .  ons dink en doen anders.

  • Ons mobiliseer ons leerders tot ‘n gebalanseerde ingesteldheid tot studie, sport, kultuur en leierskap.
  • Ons bied geleentheid tot geestelike groei en ondersteun met pastorale sorg.
  • Ons besonderse dinamika lê in die unieke, gemaklike samesyn van Menlo-manne en Menlo-meisies wat mekaar begeester om groot te droom en sáám hard te werk om elke droom vlerke te gee.
  • Ons is kreatief en innoverend: ons dink en doen graag met unieke styl en met absolute passie en lojaliteit.
  • Ons kweek deurlopend toewyding vir uitnemendheid op elke terrein sonder om entoesiasme en die genot van deelname, prys te gee.
  • Ons is ‘n skool waar betrokkenheid en saamstaan tydens wen én verloor, een van ons goue reëls is.
  • Ons suksesse word met hard werk gekweek en ons leer uit teleurstellings.Ons stel met elke geleentheid ‘n nuwe doelwit en pyl waardegedrewe daarop af!
  • Ons Menlo-dissipline skep ‘n vangnet vir elkeen om veilig en met selfdissipline tot onafhanklikheid te ontwikkel.

 

Algemene InligtingFasiliteite
Menlo-inni-nuusMenlo-momente
Menlo-hartklopEggo-skoolkoerant

 

Leierskap-Nuus