Menlo Debat

Menlo-debatte gons groot landswyd!

Hier mag jy maar aan die stry raak, want om opinies te vorm staan elkeen hier vry. Hier debatteer ons met respek en oorgawe oor kwessies in die land en die wêreld. Ons debatspanne debatteer tot op nasionale vlak. Met ons heel eerste bekendstellingsaand (Parkiedebat) daag meer as 87 Parkies op om hul debatteringsvermoë teen mekaar uit te toets.

Menlo-debat skryf elke jaar tussen 6 en 12 junior en senior spanne vir die ATKV Gauteng-Noord-kompetisie in. Menlo is in 2018 die enigste skool in die land wat deelnemers in die ATKV-finaal vir redenaars en debat het. Redenaars is ‘n spanpoging en daar word deeglik navorsing gedoen om seker te maak die beste, nuutste en relevantste inligting is byderhand om argumente te staaf. Ons neem deel aan die ATKV se debatskompetisie, die FAK se dink-of-sink debat en die interhoër debat. Hier word gepraat, gestry en geredeneer in goeie gees en met totale oorgawe!