Menlo drama

Menlo-drama

Welkom by Menlo-drama!

Die Hoërskool Menlopark het die wonderlike voorreg om ʼn teater op die skool gronde te hê waar Parkies hulle passie kan uitleef.

Die Blou Teater bied met trots die Menlo-Maskerfees aan, waar kunssinnige Parkies die geleentheid ontvang om op ʼn professionele verhoog die kollig te betree. Ons jaarlikse optrede in die Atterbury Teater is ʼn hoogtepunt wat niemand misloop nie. Die glimlagte en entoesiasme waarmee ons leerders, Menlo-drama op die verhoog verteenwoordig, getuig van die passie en liefde vir toneelspel wat in hulle are bruis.

Die gordyn lig op elkeen van die vele tonele wat jaarliks die lig gesien. Menlo-toneel bars uit sy nate met bykans 80 deelnemers wat dramaties hulle talente uitleef in verskillende produksies wat aan verskeie kompetisies deelgeneem. Ons Parkies neem deel aan die Pronk Podium, Die FAK. Allegretto en die ATKV. 

Menlo-drama is so bevoorreg om die produksie Broos op die planke van die Adam Small teater in Stellenbosch te kan sien waar ons Parkies deelneem aan die landswye finaal van die ATKV. Uit vyfhonderd produksies landswyd dring die toneel Broos deur na die finaal. ʼn Eerste vir Menlo-drama in baie jare!

Menlo-akteurs het selfs die geleentheid om aan die Nasionale toneelfees deel te neem, wat deur KykNet, ATKV en RSG geborg word. Talle leerlinge neem hier aan deel en Menlopark is bevoorreg om akteurs te hê wat jaarliks deur gaan na die finale ronde wat optree in die Artscape teater in Kaapstad. Hier kry ons akteurs die geleenheid om op die stel van Suidooster by KykNet opnames te doen as deel van ʼn uitdun ronde. Dis hier waar van ons Parkies pryse los slaan waar hulle geleentheid kry om saam met legendes soos Leon van Nierop en Tobi Cronje ʼn radio opname te maak.

Ons Blou Teater vorm die tuiste van die kunste by Menlopark. Nie net drama en toneel word hier aangebied nie, maar ook dansklasse in drie verskillende genres. Tans spog ons met sowat 30 dansers. Juffrou Elana Heyns en haar span dansers betower beoordelaars by verskeie kompetisies hierdie jaar. Hierdie dans groepe ontvang toekennings vir tegniek en spesiale toekenning vir styl van choreografie. Hulle neem ook deel in ons jaarlikse Menlo-maskerfees waar hulle trots hulle passie vir dans op die planke van die Atterbury Teater kan uitleef.

Mevrou Roché van Blerk, mejuffrou Elana Heyns, meneer Hans Moolman en meneer Chris van Blerk is aan stuur van hierdie Drama-skip. U is welkom om Mevrou Roché van Blerk te kontak vir enige verdere inligting.

Ons dink aan die woorde van Edgar Degas:

“Art is not what you see, but what you make others see.”

Ligte ... kamera ... aksie! Kom lewe jou passie vir die Dramatiese kunste uit op ons Menlo-verhoog.

Excelsa petamus!

 

Revue

Menlo-Revue het in 2019 sy derde bestaansjaar gevier met ‘n uitsonderlike jaar vol hoogtepunte.  Die revuegroep behaal ‘n tweede plek landswyd tydens die Lefra Nasionale Revuekompetisie.  Die revuegroep vier die lewe tydens elke oefening en optrede – harde werk en ure se oefening om danspassies en sang te sinchroniseer word met genot en lewensvreugde afgerond en dit straal van die verhoog af tydens optredes en inspireer gehore om met ‘n ligte hart huis toe te gaan. Die groep is genooi om in 2020 by Emperor’s Palace op te tree saam met ander top-revuegroepe en beplan om aan verskeie kompetisies deel te naam in 2020.