Menlo_Menlopark_Fietsry

Menlo-Fietsry

 

Die Hoërskool Menlopark spog met ‘n trotse fietsry-tradisie. Die Menlo-fietsryklub is gedurende 2001 as ‘n sportklub en wintersport aan Die Hoërskool Menlopark gestig. Die klub het vinnig uitgebrei en het by Gauteng Noord Provinsie geaffilieer as ‘n eerste skoolspan wat ‘n amptelike klub op provinsiale vlak was. In 2012 het die Menlo Fietsry Akademie ook tot stand gekom. Die doel van die akademie is om binne skoolverband te verseker dat die nodige fokus ook op fietsry geplaas word om fietsry sodanig uit te brei binne Menlopark, dat ‘n Parkie-fietsrygemeenskap geskep word waar enige leerder die geleentheid het om fietsry ook op ‘n sosiale basis te beoefen. Daarom word nie alleen gefokusde fietsryers nie, maar alle belangstellendes in die Parkie-gemeenskap genooi word om deel te word van Menlo Fietsry.

Fietsry by Menlo staan dus op twee bene, die Menlo Fietsry Klub, en die Menlo Fietsry Akademie. Die Menlo Fietsry Klub is spesifiek sodat ons geaffilieer kan wees by Gauteng North Cycling (GNC) en dus Cycling South Africa, en aan hulle struktuur vereistes kan voldoen. Dit beteken dus dat alle Menlo fietsryers die geleentheid het om via Menlo fietsry te kan registreer as fietsryers by GNC, omdat Menlo fietsry ‘n volwaardige klub is. Om verwarring te voorkom word daar net gepraat van Menlo fietsry, met die verstaan dat dit beide die akademie en die klub insluit.

Menlo Fietsry stel hom ten doel om deelname en vaardigheidsontwikkelling in fietsry by almal met belangstelling in die sport aan te moedig en, alhowel die fokus is op MTB, ondersteun die klub alle vorme van fietsry. Die klub is ‘n Noord Gauteng geaffilieerde klub waardeur elke lid jaarlikse lidmaatskap by Fietsry Suid-Afrika verkry. Die Hoërskool Menlopark gee ten volle erkenning aan leerders vir prestasies behaal in fietsry en leerders kan dan ook kleure en erekleure in dié sport verwerf.

 

Prestasies

Die Hoërskool Menlopark spog met ‘n aantal leerders wat deur die jare nasionale kleure in fietsry verwerf en Suid-Afrika verteenwoordig het. Hulle is:

• Ico Schutte – 2001

• Genée Steyn – 2007

• Jac-Johan Steyn – 2010

• Henry Liebenberg – 2016

• Wessel Botha – 2016

 

Gedurende 2017 het die volgende individuele leerlinge provinsiale kleure verwerf:

• Marjoné Strydom

• Monique du Toit

As ‘n span het Menlopark ook deelgeneem aan die Spur Nasionale skolereeks kampioenskap en het ‘n tweede plek behaal vir 2017! Die volgende leerlinge het dan ook deel uitgemaak van die Gauteng provinsiale skolespan wat deelgeneem het aan die Spur Nasionale skolereeks kampioenskap:

• Chris du Plessis

• Ben du Plessis

• Monique du Toit

• Marjoné Strydom

 

Afrigting

Fietsry is ‘n sport wat regdeur die jaar beoefen word, en alhoewel die Spur skolereeks slegs bestaan uit 4 provinsiale wedrenbyeenkomste en een nasionale byeenkoms, strek die totale reeks vanaf Mei tot Oktober. Dit beteken dat leerlinge reg deur die jaar moet oefen om te verseker dat hulle fiks en gereed is vir die Spur reeks. Om dit reg te kry oefen die leerlinge onder hul onderskeie afrigters se bekwame leiding en afrigting strek van Januarie tot Desember. Die leerlinge oefen tussen 3 en 6 dae per week, afhangende van die individu se doelwitte en behoeftes. Onder die afrigters se leiding en afrigting het die Menlo fietsryers dan ook die volgende algemene prestasies bereik tydens 2017:

• Vir die vierde jaar in ‘n ry het Menlo die Spur Gauteng skole reeks gewen.

• Menlo het weggestap (weggery) as die naaswenners van die Spur Nasionale MTB Skole Kampioenskappe

• 2 Fietsryers verteenwoordig Menlo tydens die Gauteng Noord (GNC) erkenningsfunksie 

• 1 Fietsryer was aangewys as die beste in die provinsie volgens ouderdom

• 4  Fietsryers verteenwoordig Gauteng tydens Skole Nasionale Inter Provinsiale Kampioenskappe 

 

Ons bied gratis afrigting aan by die skool onder leiding van juf. Gerda Richards wat self ‘n kranige fietsryer is. Hierdie afrigting is gebaseer op groepsoefeninge en individuele aandag, en vind 2 tot 3 keer per week plaas. 

 

Soos die ryers meer vorder en meer toegewyd raak aan fietsry as ‘n sport, raak die behoefte van die individu ook groter om meer as 3 keer per week te oefen. Sodanige fietsryers oefen dan ook tussen 4 en 10 ure per week. Hierdie gevorderde fietsryers het dan ook die behoefte om privaat afrigting te kry met individuele oefen programme. Baie van ons meer gevorderde ryers kry ook privaat afrigting.

 

 

Afrigtingsprogramme

 

Elke fietsryer ondergaan voortdurende evaluasies deur die onderskeie afrigters ten einde hulle vaardigheidsvlakke te bepaal en daarmee saam ‘n gepaste afrigtings- en oefenprogram fokus te identifiseer.

 

So ‘n afrigtingsprogram akkommodeer leerders met verskillende fietsry vaardighede en maak ‘n onderskeid tussen vier subgroepe:

 

1. Beginners: Fietsry is iets nuuts en die fietsryer is besig om fietsry te ontdek as sport. Die fokus is op die aanleer van fietsry vaardighede en fietsry in veilige omgewings en oefeninge is 2 tot 3 maal ‘n week. 

 

2. Intermediêre ryers: Die fietsryer ry nou al ‘n tydjie en is of in die proses om beter te raak, of doen fietsry omdat dit die een skoolsport is wat net lekker is om te doen. Die fokus is op vaardighede, fietsry in veilige omgewings, en die skool wedrenne geskeduleer vir die jaar. Oefeninge is 2 tot 3 maal ‘n week.

 

3. Ryers met gemengde fokus:  Hierdie fietsryer is die atleet wat goed is in baie sporte, en ook potensiaal het in fietsry. Hulle wil egter nie al hulle fokus op fietsry plaas nie omdat daar ander sporte ook is. Die fokus is op die skoolwedrenne. Oefeninge is 2 tot 3 maal per week, maar baie gefokus, omdat hulle tyd beperk is.

 

4. Hoe prestasie ryers: Fietsry is hulle hoofsport en hulle wil op provinsiale en nasionale vlak meeding. Die fietsryers het omvattende afrigtingsprogramme en oefen 5 tot 6 dae ‘n week. 

 

Omdat ouderdomme, vaardigheidsvlakke en groeifases so ‘n groot impak het op die fietsryer word dit doelbewus in ag geneem met die onderskeie oefenprogramme, afstande en tyd in die saal wat per fietsryer beplan word. Juffrou Gerda Richards help dan ook al ons fietsryers om te ontwikkel en ‘n liefde vir die sport te kweek.

 

Privaatafrigting

 

Die volgende privaat afrigters word deur ons aanbeveel en kan direk gekontak word vir verdere inligting en koste strukture:

 

Absolute Motion - Johan Wykerd – 082 857 3735

Revolution Fit – Jaco Ferreira – 0832454412

Biokinetics Attree and Ferreira - Jaco Ferreira – 012 0040161 (082 603 1039)

Training Point - Deon Carstens – 082 446 5089

Amric - Richard Sutton – 0829018703

Coaching Corner – Johan Naude – 0835549300

Pain Cave – Mark van der Merwe - 0723730183

Waar ryers van privaat afrigting gebruik maak wil ons as bestuurspan by die skool graag op hoogte gehou word van die welstand en vordering van die ryer sowel as wat hulle doelwitte vir die jaar is.

 

Skoolerkenning vir prestasie

As ‘n klub gee die skool erkenning aan sy leerlinge wat die skool verteenwoordig as deel van die Spur Nasionale skole reeks kampioenskappe. Die vereistes vir kleure en erekleure binne skoolverband is as volg:

Kleure:

• Die leerling moes ‘n eerste plek behaal het by ‘n provinsiale skolereeks wedren, of

• Die leerling moes 75% van die reeks se wedrenne gery het en Menlo is die skolereeks se spanwenner, of

• Die leerling moes 3 jaar al deelneem aan die skolereeks en elke jaar 75% van die wedrenne gery het.

Erekleure:

• Die leerling moes Gauteng verteenwoordig het in die skolereeks, of

• Die leerling moes ‘n podiumplek op die nasionale skolekampioenskappe verower het, of

• Die leerling was deel van die skolespan aan die nasionale kampioenskappe en die span was spanwenners op die nasionale kampioenskappe in enige van die 3 kategoriee, gemeng, dogter, of seunspan, of

• Die leerling het al 3 keer kleure verower.

by die Spur reeks. Daar is verskeie reekse waaraan die individuele leerling kan deelneem soos, onder andere, die Nissan Trailseeker, Nasionale Marathon reeks, USN, XCO Gauteng en XCO SA Cup reekse. Al hierdie reekse bring mee dat daar baie meer wedrenne is as wat die individu kan hanteer en daar moet dus noodwendig gefokus word op spesifieke reekse en datums. Om belangstellendes beter toe te rus om besluite te maak oor deelname aan wedrenne, word ‘n lys van wedrenne vir 2018 voorsien. Die lys is beslis nie volledig nie, en nuwe wedrenne word gedurig deur nog by die fietsry kalender bygevoeg deur die verskillende beheerliggame in Cycling SA. Soos die wedren besonderhede beskikbaar word sal die kalender dan ook aangevul en gekommunikeer word.

 

Verwagte Kostestrukture

• Om by Menlo fietsry aan te sluit is gratis vir alle Menlopark leerlinge. Die registrasievorm is beskikbaar op die skool se webwerf of kan aangevra word by die Menlo fietsry spanbestuurder. Indien ouers of broers of susters of buitepersone, wat nie ‘n leerder is by Menlopark nie, wil aansluit, is ‘n fooi van R360-00 betaalbaar aan Menlopark. Die verwysing Fietsry/naam/lidgelde gebruik word vir betalings en die bewys van betaling kan gestuur word na Hierdie e-posadres word van Spambotte beskerm. Jy moet JavaScript ontsper om dit te lees..

• Alle lede van Menlo fietsry moet ook by Cycling South Africa (CSA) (nasionale beheerliggaam) asook Gauteng North Cycling (GNC) (provinsiale beheerliggaam) registreer. Die totale koste van registrasie is ongeveer R200-00 en sluit dan lidmaatskap by GNC ook in. Die registrasie word aanlyn gedoen by  www.cyclingsa.com 

• Indien ‘n leerling 17 jaar of ouer is en in aanmerking wil kom vir provinsiale en of nasionale kleure moet ‘n Cycling SA Racing Licence ook verkry word. Dit is beskikbaar by www.cyclingsa.com Hierdie ryers is dan ook geregtig om UCI (Union Cycliste Internationale) (internasionale beheerliggaam) punte te jaag gedurende wedrenne. Dit is basies die internasionale stelsel van punte wat gebruik word om fietsryers en hulle prestasies te meet en te vergelyk. Die koste van hierdie lisensie is ongeveer R450-00.

• U word versoek om alle CSA nommers te stuur na Hierdie e-posadres word van Spambotte beskerm. Jy moet JavaScript ontsper om dit te lees. saam met die voltooide registrasievorm sodra u bevestiging van registrasie ontvang. Dan kan dit ook op rekord gehou word by Menlo fietsry indien daar toekomstige navrae is.

• Die afrigting is opsioneel, maar word aanbeveel. Afrigting deur Juf Richards vind gratis plaas by die skool vir alle lede en die dae en tye sal so spoedig moontik aan u deurgegee word.  Ons het ook ‘n Wattbike aangekoop in wat beskikbaar is in die gym vir Menlo-fietsry lede.  ‘n Tweede Wattbike is in die pyplyn. Besprekings vir die gebruik daarvan moet by Juf. Richards gedoen word.

• Indien enige lid van die privaat afrigters se dienste gebruik wil maak, is hulle welkom om die afrigters te kontak en self reëlings te tref.

• Menlo fietsry klere is beskikbaar om te koop by die spanbestuurder. Die pryse is as volg:

o Fietsry hemp – R450-00

o Fietsry T-hemp – R200-00

o Fietsry baadjie – R550-00

 

KONTAK PERSONE :

SKOOL : Chris van Blerk: Hierdie e-posadres word van Spambotte beskerm. Jy moet JavaScript ontsper om dit te lees. – 081 594 9245

SKOOL : Gerda Richards: Hierdie e-posadres word van Spambotte beskerm. Jy moet JavaScript ontsper om dit te lees. – 072 769 2269

SPANBESTUURDER : Lizelle van der Walt: Hierdie e-posadres word van Spambotte beskerm. Jy moet JavaScript ontsper om dit te lees. – 082 887 6818