Menlo-Netbal

Menlo-Netbal bied aan elke netbaldogter die geleentheid om die nodige liggaams-en lewensvaardighede te ontwikkel, sodat sy haar volle potensiaal kan ontwikkel, kan bereik en ook kan benut – tot voordeel van haarself, haar span en haar skool.

By Menlo-Netbal skep ons graag ‘n omgewing waar elke speelster 'n lewenslange liefde kan kweek vir gesonde gewoontes, soos gereelde oefening, fikswees en sportmangees, asook 'n liefde vir rekreasie en kompeterende sport, veral spansport, hetsy as deelnemer, toeskouer, afrigter, skeidsregter, beampte en/of administrateur.

Soos ons leuse sê, streef ons die hoogste na vir elke speelster, elke span, elke afrigter, elke beampte, elke ouer en elke ondersteuner.

Excelsa Petamus!

Fasiliteite

  • Die skool beskik oor 5 weervaste netbalbane met spreiligte asook ‘n klubhuis.
  • Die sportsentrum se addisionele deskundige dienste is ook beskikbaar, nl. dieëtkundiges, sportsielkundiges, fisioterapeute, biokinetikusse en noodhulppersoneel.

Afrigting

Die sukses wat Die Hoërskool Menlopark se netbalspanne behaal, is grootliks toe te skryf aan die hoë professionele vlak van afrigting deur uiters bekwame en gekwalifiseerde afrigters.
 

Ons Juniors (o.14 & o.15) staan vanaf 2020, onder leiding van me. Jenni-Lee Delport, wat ons hoëprestasie afrigter sal wees.  Jenni-Lee was vir die afgelope 5 jaar ‘n snr. Premierliga afrigter, met ‘n o.21 span wat die S.A Kampioenskappe gewen het.  Sy het ook ‘n NSA Vlak 2 afrigters akkreditasie.

By ons Seniors (o.16; o.17 & o.18), is Manny Ferreira ons senior hoëprestasie afrigter, wat ook in 2018, as die beste netbalafrigter in Gauteng bekroon is.

Ons span afrigters staan onder leiding van die Netbal-akademiehoof, me. Hanlie Oberholzer.

As netbal-ondersteuningsdienste, is daar ‘n gimnasium, biokinetikus en fisioterapeute op die skoolterrein, tot ons beskikking.

 

Parkie Alumni trots

Menlopark is baie trots op ons oud- Parkies wat puik prestasies op die netbalbane reg oor die land en ook internasionaal behaal: 

 

• Lenise Potgieter, hoofdoel van die Protea-span, het ’n sleutelrol in die span se vierdeplek by die 2020 Wêreldbeker gespeel. 

 

• Chanél Vrey, Lucy Strydom, Rolene Streutker en Claudia Jarrard het al almal vanjaar in die snr. Premierliga deelgeneem.  Ons is besonder trots op Chanél Vrey en Rolene Streutker, wat albei tans aan UOVS studeer, wat verkies is tot die S.A o.21 span.