Menlo Perdesport

Perdesport

By Die Hoërskool Menlopark word die gesegde van Winston Churchill wat lui: “There is something about the outside of a horse that is good for the inside of a man”, ter harte geneem.

Menlo-perdesport het in 2018 die skool se leuse uitgeleef en deurgaans die hoogste nagestreef. Tydens die Gauteng SANESA-liga behaal ons ruiters en hulle viervoetige kamerade ‘n 3de plek sowel as ‘n ongelooflike algehele 2de plek tydens die nasionale kampioenskappe. Hierdie uitsonderlike prestasie is ‘n eerste in die Menlo-stal en ons is besonder trots op ons leerders. Die 2018-perdesportkalender het afgeskop met die Menlo-skou en het in Oktober oor die wenstreep galop met die nasionale kampioenskappe. Hieronder volg ‘n opsomming van 2018 se aktiwiteite:

Menlo-skou

Op Saterdag, 27 Januarie 2018 het Menlo-perdesport se jaarlikse perdeskou plaasgevind by The Burgh Equestrian Centre in Pretoria-Oos. Daar is opgesaal in motreën en mnr. Harm van Helsdingen het die skou geopen. Ruiters van verskeie laer- en hoërskole het deelgeneem en die skou het terselfdertyd gedien as voorbereiding vir die daaropvolgende naweek se eerste SANESA-skoleskou. Die kompetisie was mededingend, maar die sportmanskap was oudergewoonte in ʼn goeie gees. Ons borge het gesorg vir pryse uit die boonste rakke en genoegsame aanmoediging vir elke ruiter om vas te byt en die skou op ʼn hoë (en warm) noot te eindig! Die noodhulpspan was op hulle poste, maar kon gelukkig die dag slegs as toeskouers spandeer. Menlo-leerders het vrywillig gehelp by al die arenas om alles vlot te laat verloop. By Menlo is perdry definitief ʼn perd van ʼn ander kleur.

Spangeesdag

Menlo-perderuiters het op Woensdag, 21 Maart, die vakansiedag ingespan om span te bou in die geselskap van die spoggerige Lippizaner-perde by die SA Lippizaner-sentrum in Kyalami. Benewens die persoonlike interaksie met hierdie formidabele perde en ‘n vertoning waartydens die opleiding van hierdie perde aan die gehoor verduidelik is, is daar deelgeneem aan sakresies, drywende appels uit bakke water probeer byt, en driebeenresies! Hierdie uitstappie is afgesluit met ‘n groot bederf – ‘n smaaklike piekniek wat deur die ouers voorberei is.

SANESA, Gauteng-finaal en die Nasionale Kampioenskappe

Te danke aan die ruiters se puik prestasies tydens die vier SANESA-skoue, het daar 19 ruiters gekwalifiseer vir die Gauteng-finaal, en 17 van hulle het deurgedring na die nasionale kampioenskappe. Tydens die jaareindfunksie is al die ruiters se harde werk beloon. Hieronder volg ‘n opsomming van al die dissiplines en ruiters wat die hoogste sport bereik het: 

Dresseer vlak 1: Yamila van Wyk

Dresseer vlak 2: Amor le Roux

Dresseer vlak 3: Maia Nel

Dresseer vlak 5: Maia Nel

Dresseer vlak 7: Mila de Muelenaere

 

Endurance vlak 0: Lune Meyer

Endurance vlak 4: Lara Bernard

 

Equitation vlak 2: Nina Stone

Equitation vlak 3: Yamila van Wyk

Equitation vlak 4: Anthea le Roux

 

Eventing vlak 3: Inge-Marie Yssel

 

Handy Hunter vlak 1: Zane Coetzee

 

In-hand-utility 2: Leandri Malherbe

In-hand-utility 3: Maia Nel

Show jumping vlak 1: Leandri Malherbe

Show jumping vlak 2: Lara Coetzer

Show jumping vlak 3: Anthea le Roux

Show jumping vlak 4: Yamila van Wyk

Show jumping vlak 5: Carla Petersen

 

Performance riding vlak 1: Lara Coetzer

Performance riding vlak 2: Lynn-Marie Andrin

Performance riding vlak 5: Maia Nel

Performance riding vlak 7: Nina Stone

 

Prix Caprilli vlak 1: Renita du Toit

Prix Caprilli vlak 3: Claurette Oosthuizen

Prix Caprilli vlak 5: Maia Nel

Prix Caprilli vlak 6: Mila de Muelenaere

 

Western mounted games: Morgan Brits

 

Working hunter vlak 1: Megan Oosthuizen

Working hunter vlak 3: Anthea le Roux

Working hunter vlak 5: Carla Petersen

 

Working riding vlak 3: Lynn-Marie Andrin

Working riding vlak 5: Maia Nel

Working riding vlak 7: Nina Stone

 

Veelsydigste ruiter: Maia Nel (5 dissiplines)

 

Meeste punte ingesamel: Maia Nel (4755 punte met Leeukloof Elite)

 

Ruiter van die jaar:             Mila de Muelenaere (hoogste prestasie op hoogste vlak)

 

Beste vordering:                 Talitha van Rooyen (van eerste na laaste skou)

 

Spangeestrofee:                  Ally Liebenberg en Nina Smith